update下先. 剛係上海返黎, 今次的工作都好順利, 仲有時間同d同事去玩~~~ d相放左係facebook, 有興趣的就去睇下啦.

近排係朋友的身上聽到d好幾個消息, 搞到唔係好唔愉快, 估唔到個impact對我影響都幾大下...

最近睇左一篇人地寫的文章, 覺得幾有意思:

------------------------------------------------------------------------------------------------------------------

我有d朋友，一年見唔到一兩次。不過見面既時候，每次都總係好愉快。我好鍾意聽佢地講下近況，講下佢地將會有咩大計，咁我又會講下自己。見面雖然唔多，但係我喜歡同佢地相處既質素。呢d朋友，有d身處外地，不過我總覺得，佢地同我既距離，一d都唔遠。

我另外又有一班朋友，我稱呼佢地為buddies。我同佢地見面既頻密程度，可能係朋友之中最高，每隔三幾個禮拜就會出黎hea下。呢一班朋友，以前讀書既時候，係我最信賴，最深交既一班老友記。不過，出左社會做事之後，總覺得感覺有d改變。雖然每隔幾個星期就會見下面，不過我發覺我並唔知道，呢班朋友平時既生活究竟過成點，工作開唔開心，又或者最近有咩大計，有咩特別既事響佢地身上發生。當然，佢地亦都未必知道有d咩事最近發生響我，又或者我老婆既身上。

極其量我會知道有關佢地既野，可能係當中某某換左個新手機，某某又買左個iphone 3G做玩具。

總覺得，有時朋友之間，可以這麼近，但又那麼遠。

隔幾個星期就出黎見見面，吹吹水，呢個係大家自大學時代一直維持至今既習慣。

係，係習慣，哈哈。

近呢一年，我每次出黎hea既時候，都總係對自己有一d懷疑，到底今次出黎hea，為左乜？

呢個習慣，會唔會有一日大家都會決心改變？又或者只係大家都怕寂寞？

------------------------------------------------------------------------------------------------------------------

究竟乜野係朋友呢?

辛苦左兩年, 終於讀完了, 暫時我都未見到有任何得著, 起碼人工冇加, 又冇升過職. 工作量比起以前真係差好遠, 好多野做, 全部都唔識做, 要係咁學~~ 捱!!!

講左咁耐, 同埋睇返以前一路寫開的野都發現話題都離唔開同工作, 讀書有關的事, 就算同朋友出黎行街食飯, 都將呢d事掛係嘴邊. 不停咁反思, 係唔係自己好有問題呢? 結論係"係", 但冇辦法, 唔知點去改呀...  煩...